मैमाथि आगोको झिल्को खसाल्छ आकाशले…

गुनासो गर्‍यो आज चउरको घाँसले पनि,

मैमाथि आगोको झिल्को खसाल्छ आकाशले पनि

 

कहिलेकाँही त सकारात्मक पनि बनौँ न महोदय,

केही पाठ त जरुर सिकाउँछ विनाशले पनि

 

हो,  ऊबिना बाँच्न सक्दैनौं हामी थाहा छ,

तर कसैको जीवन अन्त्य गरिदिन्छ बतासले पनि

 

कसैलाई शङ्का नगर भनेर त धेरै सिकायौ आमा,

तर जिन्दगीभर पोल्दोरहेछ विश्वासले पनि

 

कहिलेकाँही विनाकारण यति धेरै खुसी हुन्छु,

केवल मेरो साथ तिमी छौ भन्ने आभाशले पनि

from Online Khabar https://ift.tt/85zEDXT