काठमाडौं । इटालियन मिडफिल्डर जर्जिन्हो युरोपकै उत्कृष्ट खेलाडी बनेका छन् । उनले युइएफए युरोपियन प्लेअर अफ दि इअरको अवार्ड जितेका हुन् ।
च्याम्पियन्स लिग र युरोकप जितेका जर्जिन्होले चेल्सी टिममेट एनगोलो कान्टे र म्यानचेष्टर सिटीका केभिन डे ब्रुएनलाई उछिन्दै युरोपको उत्कृष्ट अवार्ड जितेका हुन् ।
यस्तै महिलातर्फको अवार्ड बार्सिलोनाका एलेक्सिया पुटेलासले जितिन् ।
युइएफए प्रेसिडेन्टल अवार्ड डेनिस मेडिकल टिम र डेनमार्कका कप्तान सिमोन केयरले प्राप्त गरेको छ । युरोकपमा फिनल्याण्डविरुद्ध मिडफिल्डर क्रिस्टियन एरिक्सन बेहोस भएर मैदानमै ढल्दा डेनिस मेडिकल टिम र केयरले गरेको कार्यलाई सम्मान गर्दै अवार्ड प्रदान गरिएको हो ।
from Online Khabar https://ift.tt/3sRWtGV
0 Comments
यदि तपाईंलाई समाचारको बारेमा कुनै शंका छ भने कृपया मलाई खबर गर्नुहोस्।