विश्पकप छनोट : फ्रान्स बराबरीमा रोकियो

२० भदौ, काठमाडौं । विश्व विजेता फ्रान्सले फिफा विश्वकप छनोटमा लगातार दोस्रो बराबरी खेलेको छ ।

युरोपेली छनोटअन्तर्गत शनिबार राति भएको खेलेमा फ्रान्स र युक्रेनले १-१ को बराबरी खेले । यसअघि फ्रान्सले बोस्निया एण्ड हर्जगोभिनासँग पनि बराबरी खेलेको थियो ।

घरेलु मैदानमा भएको खेलको ४४औं मिनेटमा माइकोलो सापारेन्कोले गोल गर्दै युक्रेनलाई अग्रता दिलाएका थिए ।

फ्रान्सका लागि एन्टोनी मार्सियलले ५०औं मिनेटमा बराबरी गोल फर्काए ।

यसअघि फ्रान्समा भएको खेलमा पनि यी दुई टोलीले बराबरी खेलेका थिए ।

समग्रमा फ्रान्सले तीन बराबरी खेलेको छ । पाँच खेलबाट ९ अंक जोडेको फ्रान्स समूह डीको शीर्ष स्थानमा छ । समान खेलबाट ५ अंकसहित युक्रेन तेस्रो स्थानमा छ ।

from Online Khabar https://ift.tt/3jGP0aW