१६ मंसिर, काठमाडौं । इटालियन सिरी ए मा शीर्ष स्थानको नापोली बराबरीमा रोकिँदा दोस्रो स्थानको एसी मिलानले सहज जित हात पारेको छ ।
नापोलीले दुई गोलको अग्रता लिए पनि कायम राख्न नसक्दा ससुलोसँग २-२ को बराबरी खेल्दै अंक बाँडेको छ ।
फाबियन र ड्राइ मर्टेन्सको गोलमा नापोलीले ६० मिनेट भित्र दुई गोलको अग्रता बनाएको थियो । तर ससुलोले पुनरागमन गर्दै दुई गोल फर्कायो ।
ससुलोका लागि जियानलुका स्माक्का र जियन मार्को फेरारीले अन्तिम २० मिनेट भित्र गोल गर्दै अंक खोसेका थिए ।
बराबरीपछि १५ खेलबाट ३६ अंक जोडेर नापोली शीर्ष स्थानमै छ ।
तर दोस्रो स्थानमो मिलानले जेनओअलाई ३-० ले पराजित गर्दै अंकदूरी १ मा झारेको छ ।
मिलानको जितमा जुनियर मेस्सीएसले दुई तथा ज्लाटन इब्राहिमोभिचले गोल गरे ।
जितपछि मिलानले १५ खेलबाट ३५ अंक जोडेको छ । जेनोअ १० अंक जोडेर १८ औं स्थानमा छ ।
from Online Khabar https://ift.tt/3pBV1Yn
0 Comments
यदि तपाईंलाई समाचारको बारेमा कुनै शंका छ भने कृपया मलाई खबर गर्नुहोस्।